State Level Mathematics Competition neih a ni

Mizoram Mathematics Society (MMS) leh Mizoram Science, Technology & Innovation Council (MISTIC) tangkawp buatsaih ‘State Level Mathematics Competition’ vawi 16-na chu niminpiah khan Hnahthial tihloh Mizoram District hrang hrangah neih a ni a, Class V, VIII, X leh XII zirlaite tan intihsiakna hi neih niin Aizawl Centre, Pachhunga University College-ah naupang 2100 exam awmin District danga Center-ah naupang 1817 in an exam bawk a ni. Mizoram Mathematics Society (MMS) President Prof. LP Lalduhawma chuan State Level Mathematics Competition hi Mizo naupangten Mathematics zirna ah hma an sawn theihna tura buatsaih thin a nih thu a sawi a. Zirlai naupang, zirtirtu, nu leh pa ten an ngaihlu hle tih a sawi a. Middle School Level-a Sawrkar in Board exam a neih tak loh chinah phei chuan School tha tehna pawimawh tak a lo nih tak thu a sawi a, High School leh Higher Secondary School naupang tan thla thar December thla a Mathematics Olympiad Camp neih turah naupangte a tam thei ang ber tel turin a sawm bawk a ni.