Mamit in NH. 108 siamthat thuai nan hmalak an tum

Mamit District chhunga kawngpui pawimawh ber National Highway 108 chhe lutuk chung-chang ngaihtuaha Mamit khawpui chhunga All NGO, Political Party hrang hrang aiawh te, Mamit khawpui chhunga Village Council aiawhte leh MJA aiawh kalkhawm chuan Minister leh Department hotute sawipui turin a hma thei ang berin lam kal intir nise an ti a, November ni 20, 2024 ralhma a NH-108 kawngpui ah hmalakna engmah a awm loh chuan Demand Day hman nise, hemi ni hian Mamit khawpui chhunga Zirna In zawng zawng leh Sawrkar pisa zawng zawngte khar vek nise, hemi pawhin awmzia a la neih loh chuan Total Bandh huaihawt leh nise an ti bawk.