Smart Metering Project atan inremna ziah a ni

Power Minister F. Rodingliana hmalaknain Smart Metering Project kalpui a ni dawn tih ZPM chuan thuchhuah siamin an tarlang.

ZPM chuan thuchhuah siamin nimin khan Mizoram-a Smart Metering Project thawktu tur Contractor Advance Metering Infrastructure Service Provider (AMISP) leh P&E Department chuan Power Minister Office Chamber-ah inremna an ziak tih tarlangin, sawrkar laipui, Ministry of Power hmalaknain India ram puma Electric Power Distribution tihchangtlunna tur Revamped Distribution Sector Scheme (RDSS) hnuaiah Smart Metering Project hi thawh tur a ni tih an sawi a, India State tam zawka an lo kalpui tawh chu Power Minister F.Rodingliana hmalaknain Mizoram kalpui a ni ve dawn ta a ni, an ti.

Thuchhuah an siama an tarlan danin Smart Metering hi Pre-paid Mode a kalpui tur a ni a, a hna hi TOTEX Mode a thawh tur a ni ang. Contractor/Advance Metering Infrastructure Service Provider (AMISP) ten anmahni sum sengin engkim an thawk vek ang a, Meter a tha chiang ngei (go-live) tih a chian atanga thla khat-na atangin Consumer te Smart meter service charge hi Department-ah thla 93 chhung bill an submit ve thung anga. Sawrkar laipuiin Meter man (benchmark price) atanga zaa 22.5 a tum dawn avangin thla tina AMISP in an rawn bill tur hi a su hek nual dawn a ni.