Kan hma lawka Krismas leh Kumthar vuakvet lo thleng turah mipui ten Power Supply chungchanga harsatna an tawh loh nan P&E Department chuan Vawiin hian 132kV Sub-Station, Bukpui-ah hna an thawk dawn a. Hei vang hian Vawiin Nov. 2, 2024 zing dar 9:00 atanga tlai dar 3:00 thleng hian 132kV Sub-Station, Bukpui in a chawm khua zawng zawng ten Power Supply an hmu thei dawn lo a. Hei hian Serchhip bakah Chhingchhip, Thingsulthliah, Thenzawl, Buarpui, Thenhlum leh Hnahthial atanga Power Supply pek te pawh a huam vek dawn a ni.
