Serchhip District-ah Ramsa leh Sava veh khap a ni
Hemi chungchanga Serchhip District Magistrate in October 29, 2024-a thupek a tihchhuah ah Thlasik kan lo chuangkai leh dawn ta a, heng hunlai hian mi thenkhatin silai hrang hrang leh hmanraw dang hmangin kan ram a Sava pem chi, kan ram rawn paltlang thin Sava te bakah kan ram-a Sava awmsa te leh Ramsate an pel thin tih hriat a ni tih a tarlang a; Heng avang hian ramvak karah inkah palh avanga nunna hial chan pawh an lo awm tawh thin thu a tarlang bawk a. Kan chhehvela nungcha chi hrang hrang te tichereu mai lova humhalh an nih theih nan leh ramvah avanga nunna chan an awm loh nan Serchhip District Magistrate Paul L. Khuma chuan Section 163 of Bharatiya Nagarik Suraksha Sanhita, 2023 tlawhchhanin ‘Serchhip District huamchhungah mi tumah in Air gun/Air Rifle, Silai, Sairawkerh leh hmanraw dang hmangin ramsa leh Sava reng reng an vehin an kap/man tur a ni lo’ tiin thupek a chhuah a ni.
He thupek hian thu leh awm hma chu chhuah a nih (October 29, 2024) atanga thla 2 chhung a huam anga. Thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang.