Police in thubuai siam tum

Kar hmasa Zirtawpni zan-a Aizawl Vanapa Hall kawt-a punkhawm neih tuma Mizorama Meitei awmte tun thla chhunga chhuak tura vautu a puh Raphael Lalrinmawia lakah thubuai siam tum a ni. Manipur Jiribam District-a Zosangkim Hmar rawng taka thah leh khaw vengtu mi 10 lai CRPF-in an kaphlum ni a sawi te sunna atan Zirtawpni zan khan Bati chhi a venpuina hun chu Aizawl Vanapa Hall kawtah huaihawt a ni a. Heta thu sawitu pakhat, Mizo Defence League mi ni a insawi Raphael Lalrinmawia hian Mizorama Manipur atanga lokal Meitei awmte chu November thla chhunga Mizoram chhuahsan vek turin a ti a. Police hotute chuan Raphael Lalrin-mawia thusawi dan chu chi leh chi inhuatna leh tharum thawh zawnga mi fuihpawrhna rawngkai a nih avangin thubuai siam a nih tur thu an sawi a ni.