Minister in Lunglei Super Market sak mek tlawh

Lunglei Super Market Building sak mek chu Inrinni zing khan Social Welfare Minister Lalrinpuii chuan a hmunah tlawhin hnathawh kallai te a enfiah a, he hunah hian hnathawh enkawltu Commerce & Industries Department hotute chuan Lunglei Super Market sak nan hian NEC Fund cheng vbc. 14.3 ruahman a nih thu sawiin, dawr 600 chuang awm thei tura ruahman a nih bakah lirthei 110 vel hun theih tura ruahman a ni tih an sawi a, taksa lama harsatna neite tana kal awlsamna tur bik, Ramp siam vek a ni tih an sawi bawk a ni.

Social Welfare Minister Lalrinpuii chuan a tha thei ang bera hma laa rotling ngei sa turin hnathawktute chu a chah a, mipui ten an mamawhna hriaa chak zawka hna thawk tura a ngen bakah, Market lian tak awm tur chu lawm-awm a tih thu leh a tha ber tur ngaihtuaha hma lak a nih zel theih nan ngaihtuahna sen ho zel a nih tur thu a sawi bawk.