Zofate Hnam-a Harhna Intawhkhâwm buatsaih

Zonuna Kawlni (LENKAWL) • November 4, 2024 • Comments • Mizoram

Zoram Thar Zofate Lairêlna Inpui -in Aizawl Vanapa Hall-a khawvel pum huap Zofate Hnama Harhna Intawhkhâwm (Zofate National Awakening Convention) an buatsaih chu Inrinni, November 2 khan a tiak ta.

Zofate Hnama Harhna Intawhkhâwm-ah hian thupui atan 'I thovang u khai i din teh tak ang u' tih chu hman niin Mizo-ram khaw hrang hrang bakah, Manipur, Myanmar leh Bangladesh atangin Palai an tel a, NGO, hnam peng hrang hrang leh party aiawh ten thu sawiin, mi sawm bikte hian Zofate hnam inpumkhatna thupuiah hmangin thu an sawi a. Providence School zirlai leh MSU Kulva Cultural Club lamin zaithiam hrang hrang an zai bawk a ni.

Zofate Hnama Harhna Intawhkhâwm-ah hian Rev. Dr. Zaichhawna Hlawndo chuan hnam tobul leh Zofate hnama kan harhna tur te a sawi thin a, Research uluk taka a lo tih leh Pathian in hnen atanga a dawn danin Zofate hi Israel hnam bote niin Zosefa thlah kal zel Zosefa tu leh fate kan nih thu a sawi a. Zofate mahni a ro in rel (independent) kan nihna turin Lalpan hna a thawk mek nia sawiin, a takin Lalpa thawhpui theih tura kan inpuahchah vek a ngaih thute a sawi bawk.