Mizoram-a Land Pass te Computer-ah dah vek tum

Land Revenue and Settlement Minister B. Lalchhanzova chuan Mizoram-a Land Pass te chu Computer-ah dah vek an tum thu leh Land Pass 3,13,652 awm mek zinga 55,924 Digitalise anih tawh thu a sawi.

Tunhnaia e-Ram hawnna inkhawmah ah Revenue Minister B. Lalchhanzova chuan Mizoram-a Land Pass 3,13,652 a awm mek thu leh heng te hi e-Ram Portal-a thun vek an tum thu a sawi a, Digitalise tlak loh, a ram awm lo pawh a awm thei tih sawiin, enfiah turin Department in hma an la mek tih a sawi a, e-Ram portal-a Land Pass chu pass rintlak, a taka ram awm ngei a ni dawn tih sawiin, Empanel Firm 16 te ram teh luhkhawmna tur pawh e-Ram hi a ni dawn tih a sawi a, ram pass fel lo rang taka chinfel anih theih nan e-Ram chu a pawimawh thu a sawi bawk.

Revenue Minister chuan e-Ram portal-a Land Pass te digitalise chuan a taka ram awm lo te a tibo dawn tih sawiin, Computer-a dahluh tawhte chu finfiah thlap an ni dawn a, Bank-ah miin Loan puk dawn pawh ni se Bank tan awlsam takin portal kaltlangin a finfiah theih tawh dawn tih a sawi a, hna a awlsam phah a beisei tih a sawi bawk.

Hei bakah hian Minister B. Lalchhanzova chuan e-Ram chu Sawrkar hmasa in bul alo tan tawh a nih thu sawiin, an theih anga umzuiin siamthat ngai tam tak awm mahse an hawng phawt tih a sawi a, Revenue thubuai tam tak rang zawka ngaihtuahtu tur Revenue Court an siam dawn tih a sawi bawk.