HSLC leh HSSLC Exam hun tur ruat fel a ni

Mizoram Board of School Education (MBSE) chuan High School Leaving Certificate (HSLC) leh Higher Secondary School Leaving Certificate (HSLC) Exam neih hun tur a ruat fel ta.

MBSE in HSLC Exam neih tur chungchanga thuchhuah a siamah a tarlan danin nakum February ni 12-ah Practical Exam neiin HSLC Exam hi tan a ni anga, February ni 19 atangin Theory Exam-in Mizo leh tawng dang Subject exam a ni dawn a, February ni 25-ah English Subject exam in February ni 28-ah Science Subject (Theory), March ni 5-ah Social Science Subject leh March ni 11-ah Mathematics an exam anga, March ni 13-ah Home Science (Theory), Civics & Economics leh Commercial Studies te an exam leh dawn a ni.

Higher Secondary School Leaving Certificate (Arts, Science & Commerce) Exam chu nakum February 14-ah neih tan a ni dawn bawk a, February 14-ah English Subject exam in February 17-ah MIL (Mizo/Hindi/Nepali) te exam a ni anga, February 21-ah Political Science/Public Administration/Business Studies/Physics (T) te exam leh a ni anga, February 25-ah History/Chemistry(T)/Accountancy te exam leh a ni ang. Hemi hnu March 3-ah Education/Psychology (T)/Mathematics/Business Mathematics te exam in March 6-ah Geography (T)/Geology (T), March 10-ah Economics/Biology(T), March 13-ah Sociology leh March 17-ah Computer Science (T)/ Home Science (T) te exam leh a ni bawk ang. Heng bakah hian Practical Exam chu February 2-ah neih tura ruahman a ni bawk.