CMO CSR Cell Member te Bangalore-ah kal

United Nations Development Programme (UNDP) buatsaih CSR Conclave chhim turin Mizoram sawrkar-a CMO CSR Cell Member te chuan nizan hmasa khan Bangalore thlengin nimin khan Meeting hrang hrangah an tel nghal a. Infosys Company dintute CSR organisation, Nilekani Foundation hruaitute hmuin Mizoram tana hmalak theihna leh thawhho dan tur te an sawipui a. Chumi hnuah IIM Bangalore-a NSRCEL tlawh lehin, Mizoram a Start-up Ecosystem tha zawk a awm theih dan tur an sawipui a. Hemi hnu hian Non-Profit Organisation, NASSCOM chu an office-ah tlawh lehin; sawrkar leh Private Companies te inkarah thawhhona tha zawk a awm theih dan tur thil pawimawhte an sawipui leh a ni.