Tuialhthei man san vangin thil man a pung nasa niin sawi

MNF Vice President Dr. R. Lalthangliana chuan tuialthei man tihsan a nih avangin thil man a pung nasa niin a sawi.

Sinlung Hills Council inthlan lo awm tura Campaign mek MNF Senior Vice President, Dr. R. Lalthangliana hian khaw thenkhat a tlawhna ah ZPM sawrkar tharin Oil man tihsan chu MNF-in a do hrim hrim vang ni lovin; a man tihsanna a tam tham em avang leh inthlan Campaign laia Chhiah tihpun loh sawi fo thinte khan mipui an bum nasat thu a sawi a. Chhiah chi hrang hrang an tihpunte chu mirethei zawkte rawkna anih thu leh anmahni party mi leh sa te inhaivurna anih thu a sawi a. Oil man tihsan avangin tun chawpchilh takah nitin-a a tel lova kan khawsak theih loh buh leh chawhmeh man hrang hrang- Dal, Tel, Alu, Tomato, Nutrella, Chana, Atta, Zikhlum, Purun, Badam mante pung thur thurin, Cement man pawh bag-ah Rs.500 vel ni thin kha Rs. 570 atanga Rs. 610-ah te tihpun a nih thu a sawi a. “Tuna thil man to chi hrang hrangte hian khawsak harsa zawkte a la nghawng dawn chauh a. Lirtheichuan man leh sa man thlengin a la rawn to chhunzawm zel dawn a, a pawi khawp mai,” a ti bawk.