Serchhip Police ten dan lova phurh tuialhthei an man

Inrinni (October 19,2 024) zan khan Serchhip Police ten Sailiam Kawn-ah dan lova tuialthei phurh nia hriat chu Barel 56 zet an man a, an phurhna lirthei (207 Truck) panga (5) pawh man a ni bawk.
Thudawn danin heng tuialhtheite hi Kabuganj Filling Station, Assam atanga rawn phurh niin Siaha lama pek tur a ni a. Diesel hi litre 2400 leh Petrol litre 8800, a vaiin litre 11,200 a ni a, a neitu hi Laldinpuii (47) Vairengte Zalen Veng leh Lalremruati (45), Vairengte Field Veng nia insawi te niin Serchhip Police ten chanchin buatsaih lai thleng hian an la hreng a ni.

Hetihlai hian Facebook Group pakhat, ‘Serchhip News’ tih ah he thil thleng hi ‘Zanin dar 6:30-7:00 bawr vela Serchhip Petrol Pump atanga an phurhchhuah Diesel te Sailiamkawn Police Duty ten an lo man’ tiin post a ni a. Serchhip-a Petrol Pump neitute chuan heng Petrol leh Diesel te hi an pekchhuah a nih loh thu sawiin, hemi chungchang chhuifiah tur hian nimin khan Serchhip Police Station-ah FIR an thehlut a, Serchhip Police te chuan hemi chungchang hi chhui zui nghalin he thu post tu hi an hrechhuak tawh nia thudawn a ni.