Sanghal in a beih avanga boral niin hria

Lawngtlai District chhunga Tuithumhnar khaw mi Vanramnuama (40) chu ramhnuaiah thi-a hmuh a ni a, Sanghal in a beih avanga thi nia rin a ni.

Tuithumhnar VCP Lalzamlova sawi danin Vanramnuama te hi Buhsengin an riak a, niminpiah khan riah chawhmeh tur zawngin a chhuak a, Chengkawl leh Chakai te khawrh tura a chhuak chu zan lam thlenga Thlam-ah a let tak loh avangin a riahpuite ngaih tha lovin an zawng a, an Lo atanga hlavak lovah Rawthing hung bul ah ruang hi hmuh a ni ta a. A ramriahpui te hian khawtlang hruaitute hrilhin Police lam pawh hriattir an ni a, mi tlawmngaiten ruang hi hlawmin nimin zing khan an khua thlenpui a, a nupui leh a fate 5 a kalsan a ni.

Tuithumhnar VCP sawi danin Vanramramnuama hi BCM Upa niin Sapel in a chhuak ngai lova, a chawhmeh zawng hi Nghalchang nen an intawngfuh palh ni a an rin thu a sawi a, hmuhtheih chinah a ringruh a tliak a, a mal leh kap vel ah hliam dang pawh hmuh tur a awm nual a ni.