Nilaini atangin sumdawng Motor ten din an tum

Mizoram Commercial Vehicle Union (MCVU) chuan Tuialhthei man tihhniam phutin tunkar Nilaini Oct. 23, 2024 atangin tiamchin awm lova din an tum thu an sawi. Mizoram Commercial Vehicle Union (MCVU) hian Inrinni khan General Hqrs. Executive Meeting neiin hemi hnua thu-chhuah an siamah Mizoram-ah Oil man a san avanga mipui ten an tawrhna tur pumpelh theihna atana Mizoram sawrkar-ah Oil man tihniam tura an lo dil tawh chu Cabinet Meeting in rem a tih loh thu tarlangin, Zoram puma Commercial Vehicle zawng zawng chu October 23, 2024 (Nilaini) zing dar 6:00 atanga tiamchin awm lova din nise tiin a rel a tih an sawi a ni.