MPSC in Question-Cum-Answer Booklet (QCAB hmang dawn

Mizoram Public Service Commission (MPSC) chuan Mizoram Civil Services (Combined Competitive) Main Examination, 2024 atang hian Question-Cum-Answer Booklet (QCAB) a hmang tawh dawn a. QCAB Sample hi MPSC Website-ah en theih a niin, a hman dan tur chungchangah Candidate te hriattur pawimawh te pawh en theih a tarlan tel a nih thu MPSC chuan thuchhuah siamin a tarlang a ni.

Hei bakah hian MPSC chuan Mizoram Civil Services (Combined Competitive) Examination atana kumin February 1-a Scheme of Examination Notification lo tarchhuah tawh chu Mizoram Civil Services (Combined Competitive) Main Examination Dt. 22nd-25th October, 2024 a neih tur atan he Scheme Para 2.2(d)(Word limit), Para 3(g), Para 4(g), Para 5(g) leh Para 6(g)-a zawhna word limit awmna bik heng subject-General Essay, General Studies I, II, III & IV-ah te ‘excess or deficiencies of 5% or above may invite negative marking’ tia lo tarlan tawh chu Sept. 26, 2024-a Commission Meeting chuan negative marking hi kalpui rih loh nise tia a rel angin MCS (Combined Competitive) Main Examination 2024-ah Negative marking a awm dawn lo tih a tarlang bawk.