Mizoram-a UNICEF Office hawn sak turin ngen

Chin New Year Day lawmna hmanpuia USA khawpui Washington a châm mek Rajya Sabha MP K. Vanlalvena chuan Thawhtanni khan US Department of State Officer, East Asia, South East Asia and Pacific Region changtu Erin Kimsey-i chu Washington-a a Office-ah hmuin Mizoram-a UNICEF Office din a nih theihna atana hma lak sak turin a ngen a. Rajya Sabha MP K.Vanlalvena chuan US Officer hnenah hian Mizoram chu thenawm ram pathum Myanmar, Bangladesh leh Manipur atang te a politics kal fuh lo avanga raltlante rawn fuankhawm mekna a nih thu leh heng raltlan te zingah hian naupang kumtling lo tam tak an awm thu a hrilh a. Heng kum-tling lo raltlan te hian Zirna tha te, Chaw tha te, Damdawi tha te leh silhfen thianghlim bakah chenna hmun tha leh thianghlim an mamawh thu a hrilh bawk a. Heng an mamawhte pe vek tur hian Mizoram chu India rama State intodelh lo ber te zinga mi a nih avangin kan tan thil harsa tak a nih thu te sawiin, a rang thei ang bera Mizo-ram-ah UNICEF Office hawn a nih theihna tura hma lak sak turin a ngen a ni.

He hunah hian Erin Kimsey chuan Rajya Sabha MP leh a Team te thu thlen chu thu pawimawh a nih thu sawiin, a Office-a heng thu pawimawh an rawn thlen chu lawmawm a tih thu a lo hrilh bawk a ni.