Mizoram State Level Unique Identification Implementation Committee thutkhawm neih a ni

State Level Unique Identification Implementation Committee chu Zirtawpni khan Chief Secretary Dr. Renu Sharma hovin Aizawl-a Secretariat Conference Hall-ah an thukhawm.

He thutkhawm ah hian Chief Secretary chuan kum 5 leh kum 15 nih hunah Mandatory Biometric Update (MBU) neih a pawimawh thu sawiin, School Education Department chu School naupangte'n samkhai zawka Biometrics an update zung zung theih nan School-a special MBU Camp neih dan tur ruahman turin a hriattir a ni.

He thutkhawm ah hian UIDAI Regional Office, Guwahati-a Deputy Director General Commodore Dhiraj Sareen chuan Mizoram Sawrkar chu online Birth Registration No. (BRN) kaltlanga naupang kum 5 hnuailam te ziahluh zel tum turin a ngen a. Registrar-te chu nau piang hlimte an pian hnu lawkah Aadhaar No. pekchhuah nghal zung zung an nih theih nan Birth Registration Based Aadhaar Enrollment (BRBAE) kalpui turin a fuih a. Mizoram-a Birth Registration Based Aadhaar Enrollment kalpui a nih theih nan National Health Mission, Mizoram chu UIDAI hnuaiah Registrar atan ruat a ni a. BRBAE hlawhtling taka kalpui a nih theih nan UIDAI chuan Civil Registration System (CRS) Portal-a nau piangte ziahluh zung zung a nih theih nana State policy ruahman turin rawtna a siam a ni.

He thutkhawm ah hian Aadhaar chungchanga thu pawimawh hrang hrangte sawiho a ni a. Aadhaar enrollment kalpui dante thlirho niin Mandatory Biometric Update & Birth Registration Based Aadhaar Enrolment chungchang sawiho a nih bakah District Level Aadhaar Monitoring Committee-te hnathawh dan thlirlet a ni a, Aadhaar hman dan chinte pawh ngaihtuahho a ni bawk.