Busan International Film Festival-ah Mizo 2 an tel

Asia khawmualpui-a Film Festival lian leh hriathlawh, Busan International Film Festival vawi 28-na chu tun thla ni 2 atang khan South Korea-ah neih mek niintun thla ni 11 thleng khian neih a ni dawn a, Mizoram aiawhin Mizo film siam thin pahnih, Raymond Remlalmuana leh Andrew Vanengmawia te pawh an tel a ni. Busan International Film Festival-a Mizoram aiawha tel tur hian Information & Public Relations Department chuan Raymond Colney leh Drew Pachuau te hi thlangin Zirtawpni zan khan Delhi atangin South Korea an pan a, he Film Festival-ah hian khawvel pum huapa film siamtu hriathlawhte kutchhuak phochhuah a nih dawn bakah Film siamtute tan film siam chungchanga inzirbelhna tur leh sawihona neih a ni bawk ang.