Falkland Veng-a tualthattu a puh te man an ni

Kum 2017-a an awmpui thattu a puh Manik Das chu Mizoram Police ten Jharkhand-a Dumka District atangin an man a, niminpiah khan Aizawl rawn thlenpui a ni.

Mizoram IGP Lalbiakthanga chuan nimin khan thuthar thehdarhtute kawmin kum 2017 khan Falkland Veng, Aizawl-a Zairema In luah Manik Das, Manoj tia hriat te chhungkaw awmpui Mangra chu an In luah chhung-ah lei laikhuarin phum a ni a, hei hi Falkland YMA ten Bawngkawn Police hriattirin April ni 6, 2017-ah thubuai ziahluh a ni a. Tualthahna a thlen hnuin Manik Das-te chhungkua hian an In luah hi an chhuahsan nghal a, Police hmalakna hi ruang hi endik a nih hnuah a thih chhanah ‘Thawchham’ tia tarlan a ni.

He thil thleng hi chhui zui a nih hnuah Mizoram Police te chuan pawikhawihtu hi Manik Das (38), Aamdhari, Dumka District, Jharkhand leh a nupui Anjali Devi an ni tih hriatchhuah an ni a, Kathikund Police te puihna in Mizoram Police ten an man a, October ni 2, 2024 khan Aizawl thlenpui niin he thil thlen chhan hi chhui zui mek a ni.