Eye Care Hospital-in kum 25 tlin an lawm

Aizawl-a ‘Eye Care Hospital’ chuan Inrinni khan an kum 25 tlin lawmna hun Conference Hall, Eye Care Hospital, Dawrpui South-ah hmangin Supply Minister B. Lalchhanzova chuan a hmanpui a, mi dang tana inpekna leh hnathawhna chu thamral lovin a let a awm zel tih sawiin, Eye Care Hospital pawh midang tana an lo inpek tawhna chu fakawm a tih thu a sawi a. Mipui rawngbawl nana thiamna bik neite chu sawrkar hmanraw tangkai tak an nih thu sawiin, Mipui min mamawhtute leh mi harsa zawkte ban phaka awm hi rawngbawlna pawimawh berte zinga mi a nih thu a sawi bawk.

Eye Care Hospital hi a tirah ‘Eye Care Centre’ tih niin Bazar Bungkawn-ah bultan a ni a. August 2, 2013 khan tilianin ‘Eye Hospital’ tih a ni leh a. July 1, 2015 leh September 31, 2024 inkarah mit entir mi 60,841 an awm a ni.