Chapchar Kut sawiho a ni

Chapchar Kut hman dan chungchanga inrawn-khawmna leh sawihona, Consultation Meeting chu nimin khan Aijal Club Conference Hall-ah neih niin Art & Culture Minister C. Lalsawivunga chuan a hmanpui a, Minister chuan Chapchar Kut kan lo hman tawh thin dan chu a tha lo tihna leh a hlawhtling lo tihna avanga he hun hi buatsaih an ni lo tih sawiin, hlawhtling taka Kut kan lo hman tawh thin chu huamzau zawka hmasawn belh zel theihna a awm em ti a inrawnkhawmna a nih thu a sawi a ni. He Consultation Meeting ah hian sawrkar department thenkhat leh pawl hrang hrang aiawh leh mimal sawm bikte telin, Chapchar Kut hman tawh dan leh hman zel dan tur atana rawtna te siamin zawhna leh chhanna hun te hman a ni bawk.