Oct. 26-ah CCM hawng dawn

Mizoram Kohhran Inpumkhatna Joint Committee chuan nimin khan Aizawl Press Club-ah thuthar thehdarhtute kawmin October 26 leh 27, 2024 khian Mission Veng Presbyterian Kohhran Biak In-ah Council of Churches in Mizoram (CCM) hawnna inkhawmpui neih a ni dawn tih an sawi a. Mizoram chhunga Kohhran hrang hrangte thawhhona leh rawngbawl tlânna tûr CCM Rorêl inkhawm hmasa ber chu October 26, 2024-ah neih a ni dawn tih sawiin, CCM-ah hian Kohhran priat (8) an tel dawn thu leh Mizoram chhunga Kohhran pâwl dang CCM la zawm ve lote pawh tel tûrin an sâwmin an beisei reng tih an sawi bawk.