ASF a ziaawm hret hret zel

Serchhip District-a African Swine Fever (ASF) hri leng chuan ziaawm lam a pan zel a, nimin khan ASF vanga Vawk thi pakhat chhinchhiah niin Vawk suat pahnih chhinchhiah a ni bawk.
Nimin a ASF vanga Vawk thi chhinchhiah hi New Ser-chhip North-ah niin Baktawng leh Sialsir-ah Vawk suat pakhat ve ve chhinchhiah a ni bawk. Heti hian kumin chhungin Serchhip District-ah ASF vangin khaw 31-ah Vawk 3415 a thi tawh a, Vawk 6921 suat ni tawh bawkin chhungkaw 2090 ten he hri hi an tuar tawh a ni.

Serchhip District-ah hian ASF vanga Vawk thi leh suat hi a ziaawm tial tial niin a lang a, hri leng avanga Vawk talh leh a sa zawrh te khapna siam chu sut a la ni lo chungin Veng tam takah chuan Vawk talh leh a sa zuar hi an awm leh tawh thung a ni.