Zalenna sualtute tel lovin MNF a kim lo niin sawi

MNF General Hqrs. a NCC Member leh Home Minister hlui Lalchamliana chuan Zalenna sual tute tel lovin MNF chu a kim lo niin a sawi.

MNF in nimin-a Aizawl-a MNF Hnam Run Chhung Inkhawm an neih ah Lalrokhawma ziah ‘Saizahawla Battalion’ tih lehkhabu tlangzarhin Lalchamliana chuan, “Zalenna sualtute tel lovin MNF hi a kim lova, Mizo hnam history pawh hi a kim lo a ni,” a ti a. “Vawiin ah hian thuthlung hlui a kir leh a hun a ni, Bible pawh hi Thuthlung hlui tel lovin a kim lo a ni, kan Hnam chanchin hmanlai changta te hriatchian a tul a, tunlai chanchin chauh chawivawng hi a famkimlo a ni,” a ti. Lehkhabu ziaktu Lalrokhawma chuan Zalenna sualtute mual an liam zel avang leh ziak a thu dah chu thangthar te tan a pawimawh avangin he lehkhabu hi ziak a nih thu a sawi a, Zalenna sual hi Mizo history-a hmun lailum chang reng tawh tur a nih thu a sawi bawk.