Vawk sing khat chan tling ta

Serchhip District-ah kumin chhunga ASF vanga Vawk thi leh suat chu sing khat aiin a tam tawh.

AH&Vety Department chuan nimin khan Serchhip District-ah ASF vanga Vawk thi 10 an chhinchhiah belh leh a, heng te hi Chhiah-tlang-ah 4, Chhuanthar Tlangnuam-ah 3, Khawlai-lung-ah 2 leh East Lungdar-ah pakhat te an ni. Nimin vek khan Serchhip District-ah Vawk 20 suat leh niin East Lungdar-ah 8, Chhiahtlang-ah 6, Baktawng-ah 4 leh Chhuanthar Tlangnuam-ah 2 te an ni. Heti hian nimin thleng khan Serchhip District-ah kumin a ASF vanga Vawk thi chu 3333 a tling ta a, Vawk 6683 suat ni tawh bawkin kumin chhunga ASF vanga Vawk thi leh suat zawng zawng hi 10,116 a tling tawh a ni.