Tuialhthei phur lirthei te tlan remti leh tawh

Mizoram Oil Tanker Drivers' Association (MOTDA) leh Petroleum Entrepreneurs' and Transporters' Union of Mizoram (PETUM) chuan National Highway 306, Kawnpui leh Sairang inkar kawngpui siam that mek chu enfiahin, kawng khuar zualpui laite hnawh ni tawh mahse Tuialhthei phur lirthei (Oil Tanker) tlan nan chuan duhthu a la sam lo hle tih an sawi a. Kawng siam mek hian duhthu sam lo hle mahse mipuiten harsatna a tawh nasat tawh em avang leh mipui mamawh a rang thei ang bera phuhruk a ngaih tawh si avangin Tuialhthei phur tlan thei leh a tlan ngamte chu tlan tawh mai ni se an ti.