Serchhip College-ah zirlaite hriselna enfiah sak an ni

Nimin khan Govt. Serchhip College-ah rilru hrisel leh thisen tlakchham avanga natna awm thei inzirtirna hun hmangin, a thlawna HB enfiahin damdawi sem nghal a ni bawk.
Serchhip District-a Urban Health & Welness Centre leh Govt. Serchhip College-a NSS leh Campus Health Committee ten an buatsaih he hun hi NSS-a Prog-ramme Officer Dr. S Beihrosa chuan kaihruaiin NSS-a Programme Officer bawk H. Lalchhan-himna chuan he hun an buatsaih chhan te sawiin, inhmelhriat tirna hun a hmang a, Resource Person atan Dr. Lalremruati Chhangte, UHWC Serchhip chu hman Rilru hrisel (Mental Health) chungchang leh thisen tlakchhamna avanga natna awm thei (Anemia) chungchang te a zirtir a, hemi hnu hian zirlaite tan a thlawna HB enfiahna hun buatsaih zui niin mi 60 vel enfiah an ni a, zirlaite hnenah Folic Acid chu a thlawna sem nghal niin an inenkawl zui dan tur pawh hrilh nghal an ni bawk.