Serchhip-a PHE Sr. EE in Thenzawl khua a tlawh
PHE Serchhip WATSAN Division-a Sr. EE hian Thenzawl PHED Site Office ah Thenzawl-a VC pali hruaitute kawmin Thenzawl chu khaw pawimawhna leh khaw thang duang tak, Tourist hmun tha tak tak awmna anih avangin khawtlang hruaitute pawh rilru zau tak pu a Sawrkar Department hrang hrang te thawhpui zel turin a sawm a. PHE Department in Water Supply a hma an lak dan leh kalpui zel tum dan hrang hrang te sawiin, AMRUT hnuaiah pawh Reservoir lian tha tak siam zawh tawh a nih thu te, Thenzawl in tun aia hnianghnar zawka tui an neih dan tur Department ina hmachhawp a neih te a sawi bawk.
Sr. EE chuan Thenzawl khua chu Ground Water thatna khua a nih avangin Mat lui khuah a sum tam tak sen ai chuan Ground water lakchhuah a, mumal taka mipuite hnena sem theih tura buatsaih chu a that thu leh hemi atan hian PHE Department-a Hydrologists te rawn a hmalak chhoh tum anih thu a sawi a. VC kalkhawmte hnenah Ground water sawngbawlna tur hmun/ram te pawh Department te lo ngaihtuah lawk sak a, ruahmanna lo siam turin a ngen bawk.
PHE Sr. EE chuan Thenzawl-a Plastic Waste Management Centre chu Green Herd Pvt. Ltd. te nena tangkawpin kalpui tum anih thu sawiin, hetah hian plastic chiah lo pawh bawlhhlawh tawih theilo zawng zawng thingtlang leh khawpui chhung ami te sawngbawl an tum thu leh heng a lakkhawm leh buaipui zawng zawng Green Herd Pvt. Ltd. an tih dawn thu a sawi a. Thenzawl VC hrang hrang ten theihtawpa lo support turin a sawm a ni.
He hunah hian VC ten harsatna an neih te chu a hmunah enfiah a nih bakah Plastic sawng-bawlna hmun tur an enfiah nghal a, PHE-a Sr. EE hi Er. Vanlalmuanawma, SDO leh Samuel Lallawmzuala, District Coordinator te’n an tawiawm a ni.
Comments
Post a Comment