ASF vanga Vawk thi 11 chhinchhiah belh leh a ni
Serchhip-a AH&Vety Department ten an chhinchhiahna atanga a lan danin nimin-a Serchhip District-a ASF vanga Vawk thi te hi Keitum leh New Serchhip North-ah pathum ve ve, Chhiahtlang-ah pahnih leh Thenzawl, Khawlailung leh East Lungdar-ah pakhat theuh te an ni a. New Serchhip North-ah Vawk 10 suat niin Chhiahtlang-ah Vawk pakhat suat a ni tawh bawk.
Heti hian nimin thleng khan Serchhip District-a chhungkaw 2020 te chuan kumin hian ASF vangin harsatna an tawk tawh a, ASF vanga Vawk thi 3269 awm tawhin Vawk 6616 suat a ni tawh bawk a ni. Serchhip District-ah hian Veng leh khua 31 te chuan ASF hi an tuar a, heng zinga Veng leh khua 21 te chu Vawk hri lenna hmunah puan a ni tawh a ni.
Comments
Post a Comment