Sampoornata Abhiyan inhrilhhriatna nei mek zel

Ramchhunga District leh Rural Development Block hnufualte chhawmdawl nana sawrkar laipuiin a ruahman - Sampoornata Abhiyan chu Mizoram-a District pathum-a mipui zawng zawngin an chhawr theih nan inhrilhhriat kawngah chak taka hmalak mek a ni.

He hmalakna hi kumin July thla atang khan Mizorama District pathum – Lunglei, Saitual leh Mamit District-a Block hrang hrangah beihpui thlakin hmalakna atana thlanchhuah Block pathum – Lungsen, Reiek leh Ngopa RD Block-a mipui vantlang tana hmasawnna leh changkan theihna tur za-a za thlen theih tir tum a ni a, tun thla thleng awh a nih avangin Line Department hrang hrang ten theihtawpin hna an thawk a ni.

Sawrkar laipui (NITI Aayog) hmalakna, Sampoornata Abhiyan hnuaiah hian thla 3 chhungin hriselna lam kaihhnawih, naupai hriselna endik, naupaiin chaw tha a dawn dan, kum 30 chung lam BP leh zunthlum enfiah, Agriculture Department hnuaia Soil Health Card siam leh Self Help Group ten tanpuina an dawn dan te chu tehnaa hmangin hmalak a ni.