Rashtriya POSHAN Maah hawng

Directorate of Women & Child Development buatsaihin ‘Rashtriya POSHAN Maah/Nutrition Month 2024’ hawnna hun chu nimin khan Aizawl Tuikhuahtlang-a WCD Office-ah neih a ni a, Lalzarmawii IAS, Commissioner & Secretary chuan a hawng a ni. POSHAN Maah (Nutrition Month) hi Sawrkar laipui Ministry of Women & Child Development hnuaia Nutrition Mission lian tak POSHAN Abhiyaan hmalakna zinga programme pawimawh tak niin, kumtin September thla chhunga hman thin a ni a. Kumin hian a tum 7-na atan Ministry of Women & Child Development ruahman angin Poshan Maah 2024 hi hman leh tum a ni a. Thupui hrang hrang panga (5) hmangin inzirtirna kalpui a ni ang.