Chhiatna thleng thlirho

Mamit District chhunga Fur ruahtui tla avanga tunhnaia harsatna thleng hrang hrangte thlirin nimin khan District Disaster Management Committee chu an Chairman leh District Bawrhsap Jacob Lalawmpuii hovin an thukhawm a, Tui leh Eng bakah Kawng dinhmun te ngaihthlak niin Buhfai chu kawng kal harsa zual Godown pariat ah October leh November thla thleng daih stock awmin, Godown pali Mamit, West Phaileng, Phuldungsei leh Pukzing te erawh an thla mamawh dan a zira pek thin an ni tih tarlan a ni a. Oil lamah thlaphanna tur a awm loh thu leh LPG trip rawn kal mek a awm thu tarlan a ni bawk.