PWD Minister in kawngpui siam a hmunah a tlawh

PWD Minister Vanlalhlana chuan Mizoram ei leh bar chawkluhna ber NH-6 kawngpui chhia chuan mipui nunphung a tikhaihlak tih sawiin, Mizoram sawrkar pawhin mawhphurhna la in ngawrh taka siam mek a nih thu a sawi.

Inrinni khan PWD Minister Vanlalhlana leh Supply Minister B. Lalchhanzova te chuan NH-6 Kawnpui leh Khamrang khaw inkar kawng chhe siam mek chu a hmunah kalin hnthawh dan leh kawng dinhmun an enfiah a, PWD Minister chuan kumin hian kumdang zawng aiin ruahtui tla a tam tih sawiin, chu chuan Mizoram hmun hrang hrang kawngpui a tichhe nasa hle a, hmun 573 velah kawngpui hnawha leimin a awm tih a sawi a. Mipuite pawhin sawrkar hmalakna ah tha thawhin Central YMA, NGO pawl hrang hrang, Mizoram Truck Owner Association, Mizoram Truck Driver Association, Comercial Vehicle Owner Association, Kolasib DC leh Police te bakah khawtlang hruaitute an tangkai hle tih a sawi a ni. PWD Minister chuan tuna Sawrkarin kawng chhia a thuamthat mek chu a chhe zualpui siamthatna chauh a la ni rih tih sawiin, Furlai a nih avangin duhthusam a siam theih a la ni rih lo tih a sawi bawk.