Mizoram Judicial Service lak hna kalpui mek

Mizoram Public Service Commission (MPSC) chuan Grade-III of Mizoram Judicial Service (Civil Judge Cadre) post pathum (3) atan thawk tur lak hna a kalpui mek.

MPSC chuan he hna lakna tur atan hian kumin April 9 khan Preliminary Examinations a lo buatsaih tawh a, dilna lut 295 atangin mi 195 ten Exam hi an hmachhawn a, heng atang hian Main Exam hmachhawn thei turin mi 32 an tling a, an zinga 31 te chu Scheduled Tribe niin midang pakhat hi General Category a mi a ni thung.

The Mizoram Judicial Service Rules, 2006 Scheduled 'B' Sl. No 3. General Instructions in a ziah angin General Category Candidate ten 60% aia tam hmuh a ngaih bakah, subject zawng zawng i.e., Paper I, II, III & IV a 45% tal hmute tan chauh Viva-voce ah koh theih an ni. SC/ST candidate ten 50% aia tam hmuh a ngaih bakah subject zawng zawng ie., Paper I, II, III & IV a 40% tal hmute tan chauh Viva-voce ah koh theih an ni bawk a. Candidate te Viva-voce/Personal interview ah koh theih chin hi post pakhat-ah mi pathum zel (1:3) a nih angin mi 9 koh an ni anga. Tunah hian heng mi 9 te hi hriat theih ni tawhin Interview hun tur chu anmahni hi hriattir leh tur an ni ang.