Candidate pathum ve ve awm

Serchhip District chhunga Village Council pahnih-a by-election neih turah Candidate mi pathum ve ve an awm dawn ta.
Tun thla ni 24-a Serchhip District chhunga Village Council pahnih-a by-election neih tur chuh tuma hming pelut te tana inhnuhdawh theih hun chu nimin tlai dar 3:00 khan a tawp ta a, inhnuhdawh hun chhung hian inhnuk-dawk an awm loh avangin heng VC pahnih-a by-election neih turah hian Candidate mi pathum ve ve an awm dawn ta a, an chhinchhiahna (Symbol) tur pawh tihfel nghal a ni bawk.

Serchhip Chhim Veng VC-a General Seat pakhat hnawhkhat tura inthlanna neih turah chuan ZPM atangin Chawnghranghluna (Lukhum), MNF atangin Lalbiakdiki (Arsi) leh Independent Candidate PC. Siamliana (Thlawhtheihna) te an inkhing dawn a. New Serchhip Noth VC a General Seat pakhat chuh turin MNF atangin B. Lalpanliana (Arsi), Lalengzauva (Lukhum) leh INC atangin H. Vanlalsawma (Kutphah) te an inkhing dawn bawk a, tun thla ni 24 khian mipui ten Cote an thlak dawn a ni.