Serchhip District-ah Vawk thi leh suat 9416 awm tawh
Serchhip-a AH&Vety Department ten an chhinchhiah danin nimin khan Serchhip Dsitrict-a Veng leh khua 9-ah ASF vanga Vawk thi 29 a awm leh a, heng zinga 10 te chu New Serchhip North-ah niin Thenzawl leh Chekawn-ah pali ve ve a thi bawk a, Chhiah-tlang leh Khawlailung-ah pathum ve ve thiin New Serchhip South-ah 2 leh Khumtung, East Lungdar leh Serchhip Dinthar-ah pakhat theuh a thi bawk a ni. Nimin vek khan Serchhip District-a Veng leh khua 7-ah Vawk 26 suat a ni leh bawk a, heng zinga 10 te chu Chekawn khua ah niin Khaw-lailung-ah 5, Chhiahtlang leh Sialsir-ah pathum ve ve East Lungdar leh Serchhip P&E Veng-ah pahnih ve ve leh Thenzawl-ah pakhat suat a ni bawk.
Nimin-ah hian ASF avanga harsatna la thlen lohna hmun Sialsir khua ah hri leng darh zel tur venna atan Vawk pathum suat a ni a, he khua ah hian ASF vanga Vawk thi la awm lovin heti hian Serchhip District chhunga Veng leh khua 31-ah kumin chhungin ASF vanga Vawk thi 3126 an awm tawh a, Vawk 6290 suat ni tawh bawkin chhungkaw 1941 ten ASF vang hian harsatna an tawk ta bawk a ni.
Comments
Post a Comment