YMA Volleyball khelh zawh a ni

Zonuna Kawlni (LENKAWL) • August 19, 2024 • Comments • Mizoram

Inter Branch YMA Volleyball Tournament 2024 chu Inrinni zan khan khelh zawh niin Mipa inelna ah Muanna Veng Branch YMA leh Hmeichhe inelna ah Bungkawn Branch YMA te an Champion.

Central YMA leh Mizoram Volleyball Association (MVA) te tangkawp in an buatsaih ‘LBS Suzuki 23rd Inter Branch YMA Volleyball Tournament 2024’ hi Inrinni zan khan Final khela zawhfel a ni a, Inrinni zan-a Mipa Final khelh ah Muanna Veng Branch YMA hian 3-0 (25-19, 29-27, 25-21) in Hunthar Branch hi an hneh a, inkhel hmuhnawm takah Champion lai Hunthar Branch hian Inter-Branch YMA Volleyball-a Champion ngun ber nih theihna hun remchang an neih chu chhawr tangkai zo lovin Muanna Veng Branch lakah an tlawm a, kum 2018 hnu ah Muanna Veng Branch an Champion leh ta a ni.

23rd Inter Branch YMA Volleyball Tournament 2024 Mipa inelna ah hian Branch 73 an tel a, Best Spiker atan Vanlaltanchhana, Muanna Veng Branch YMA chu thlan niin Best Setter atan Lalliankima, Muanna Veng Branch YMA bawk thlan a ni.

Mipa Final khelh hma Zirtawpni zan khan Hmeichhe Final chu khelh a ni bawk a, Bungkaw Branch YMA chuan Vaivakawn Branch YMA chu 3-0 (25-17, 25-23, 25-2) a hnehin an Champion a, he inkhel ah hian Set hmasa pahnih ah Team pahnih te inbei tawk viau mah se Set thumna ah erawh 25-2 in Bungkawn hian Set an la a, Final match-a Set khat-a inhnehna nasa ber a nih a rinawm a ni.

Hmeichhe inelna ah hian Branch 28 telin Best Spiker atan F. Lalparmawii, Bungkawn Branch YMA chu thlan niin Best Setter-ah Melody Lallawmkimi, Bungkawn Branch YMA chu thlan a ni bawk.