Hmasawnna ruhrel dinna tur hmun enfiah a ni

Adviser to Chief Minister leh Champhai North bialtu MLA H. Ginzalala hovin Inrinni khan Champhai District leh Champhai North Assembly Constituency huamchhunga hmasawnna ruhrel din tumna hmun te en a ni a, Champhai leh Khawzawl District bawrhsap te pawh an tel a ni. He hunah hian Champhai Khankawn Police Checkgate bula Soil Bank siamna tur leh NH-06 Tuipui - Tuimuk inkara Center of Excellence Recreational Center, Cold Storage leh Bazar changtlung tak awm kawp theihna tur hmunhma te enfiah a ni. Adviser to CM hian Champhai khawpui veta Circular Ring-Road siam a nih hunah Khankawn Soil Bank chu tangkai taka hman theih a beisei thu sawiin, ram leilung tichhe tlem zawnga hmasawnna hna kalpui a pawimawh thu te a sawi bawk.