Naktuk-ah Session nei dawn

Mizoram Legislative Assembly Session chu naktuk hian neih tan a ni dawn a, ni 2 awh tura ruahman a ni. Tun tum Session neih turah hian Zirtawpni thleng khan House-a tawngka-a chhan chi zawhna, Starred Question 263 lut tawhin ziaka chhan chi zawhna, Un-Starred Question 17 a lut tawh bak Bill 5 lut tawhin heng te hi Dan thar siamna tur Home Department atanga lut, ‘The Mizoram Prisons & Correctional Services Bill, 2024’ leh Dan siamthatna (Amendment) tur pali, Art & Culture atanga lut, ‘The Mizoram Public Records (Amendment) Bill, 2024’; Taxation atanga lut, ‘The Mizoram Goods & Services Tax (Second (Amendment) Bill, 2024’; Finance atanga lut, ‘The Mizoram Ceiling on Government Guarantee (Amendment) Bill, 2024’ leh Vigilance Department atanga lut, ‘The Mizoram Lokayukta (Amendment) Bill, 2024’ te an ni.