Vawk thi 74 awm belh leh
Serchhip-a AH&Vety Department chhinchhiahna atanga a lan danin nimin khan Serchhip District-a Veng leh khua 8-ah ASF vanga Vawk thi 74 awm lehin heng zinga 54 te chu Thenzawl khuaa mi te an ni a, Thenzawl hi kumin ah Serchhip District-a ASF vanga Vawk thi tamna ber niin Vawk 918 zet a thi tawh a ni. Nimin vek khan Khawlailung-ah Vawk thi 11 chhinchhiah ni bawkin Serchhip Field Veng-ah 4, Serchhip Chhim Veng-ah 2 leh Chhuanthar Tlangnuam, East Lungdar, Serchhip Vengchung leh Chanmari Veng-ah Vawk pakhat theuh a thi bawk.
Nimin veik khan Veng leh khua 10-ah ASF hri leng darh tur venna atan Vawk 28 suat leh a ni bawk a, heti hian kumin chhung hian Serchhip District-ah ASF vanga Vawk thi 2694 awmin Vawk 5774 suat a ni tawh bawk a, hri leng avang hian chhungkaw 1740 ten harsatna tawkin hri leng harsatna tawk tamna ber Thenzawl khua ah chhungkaw 276 in harsatna an tawk tawh a, Vawk 918 a thih bakah Vawk 286 suat a ni tawh bawk.