Serchhip District Superintendent of Police (SP) MS. Dawngkima chuan nimin khan Chhiahtlang-a Serchhip District Jail tlawhin Jail dinhmun a enfiah a, Serchhip SP hi Addl. SP Saidingliana Sailo chuan tawiawmin District Jail Superintendent C. Lalbiaktluanga leh a thawhpui ten an lo dawngsawng a, Mipa leh Hmeichhe Ward hrang hrangte tlawhin a dinhmun a enfiah a, he Jail-a thawktute nen an inkawm bawk a ni.
Serchhip District Jail-ah hian nimin thleng khan Tang Mipa 57 leh Hmeichhia 4, an vaiin mi 61 an awm a, tang zinga Mipa 20 te chu an thubuai ngaihtuah tawh leh thiamloh chantir tawh te niin mip 37 te chu thubuai ngaihtuah lai te an ni a. Hmeichhia tang te hi thubuai ngaihtuah lai vek niin thubuai ngaihtuah tawh leh thiamloh chang an awm lo a ni.
