Vawk thi 53 lai awm belh
AH & Vety Department ten an chhinchhiahna atanga a lan danin nimin khan Serchhip District a Veng leh khua 10-ah ASF vanga Vawk thi 53 lai a awm leh a, heng zinga 32 chu ASF vanga Vawk thi tam berna ni mek Thenzawl khuaa mi te an ni a, heng te nen hian kumin chhung hian Thenzawl-ah ASF vanga Vawk thi 865 lai a awm tawh a, Vawk 284 lai suat a ni tawh bawk a ni. Nimin vek khan Khawlailung-ah Vawk thi 10 chhinchhiah niin Serchhip Dinthar Veng-ah 3, Chhiahtlang-ah 2 leh Chhingchhip, Baktawng, Chhuanthar Tlangnuam, East Lungdar, Serchhip Field Veng leh New Serchhip North-ah Vawk pakhat theuh a thi bawk a ni.
Nimin-a Serchhip District-a Vawk suat te hi New Serchhip North-ah 7, Lungchhuan-ah 6, Thenzawl-ah 4, Khawlailung, Chekawn leh Serchhip P&E Veng-ah pahnih theuh leh Chhiah-tlang leh Serchhip Field Veng-ah pakhat ve ve te an ni.
Heti hian nimin thleng khan Serchhip District-a Veng leh khua 30-ah kumin chhungin ASF vanga Vawk thi 2527 zet a awm tawh a, hri leng darh zel tur venna atan Vawk 5730 suat ni tawh bawkin chhungkaw 1717 ten ASF hri leng hi an tuar tawh a ni.