Vawk thi 35 chhinchhiah leh

Serchhip District-ah nimin khan African Swine Fever (ASF) vanga Vawk thi 35 chhinchhiah belh leh an ni a, heng zinga 31 te hi Thenzawl khuaa mi te niin Serchhip Dinthar Veng-ah pahnih leh Baktawng leh Lungchhuan-ah pakhat ve ve an thi bawk a ni. Nimin vek khan Veng leh khua 6-ah vawk 28 suat a ni leh bawk a, heng zinga 15 te hi New Serchhip North huamchhunga mi te niin Lungchhuan leh Serchhip Chhim Veng-ah pali ve ve, Serchhip Kawnpui-ah pathum leh Baktawng leh Serchhip P&E Veng-ah pakhat ve ve te an ni. Nimin thleng khan Serchhip District-ah ASF vanga Vawk thi hi 2756 awmin Vawk 6026 suat a ni tawh bawk a ni.