Union Budget 2024-2025 sawihona hun nei

BJP Mizoram Pradesh chuan nimin khan Aijal Club Conference Hall-ah Union Budget 2024-2025 sawihona hun an buatsaih.

He sawihona hun hi BJP State General Secretary Malsawmtluanga chuan kaihruaiin PC. Lawmkunga IAS (Retd) leh Dr. James LT. Thanga, Associate Professor, Deptt of Economics, MZU te chu Resource Person atan hman an ni a, Party hrang hrang te, Mithiam te, Journalist-te bakah College Student-te sawm niin Mizoram mipui ah Budget pawimawhna hriatna tur leh Union Budget atanga Mizoram mipuiin kan tangkaipui theih tur eng Sector-ah nge a awm tih kan hriat a, Mizo te'n Budget awmzia kan hriat theihna tur atan he hun hi buatsaih a ni. Union Budget 2024-2025 ah hian Mipui tana hamthatna tam tak a awm thu BJP chuan sawiin, kawng tam takah Mizo mipuite pawhin kan chhawr ngei dawn niin an sawi a. Sumdawngte Loan kan tih mai, Mudra Loan-ah pawh tunhmaa lak theih zat cheng nuai 10 atangin cheng nuai 20 laia tihsan a ni te chu thalai eizawnna kawnga hmala te tan chhenfakawm tak a ni tih an sawi a, thalai hnathawh tur tam tak siam belh a ni tur leh Agriculture lamah Budget tam tak awm te chu Mizoram tan chuan a lawmawm hle niin an sawi bawk a ni.