Star Hotel siam sawiho a ni

Nimin khan Aizawl-a CM Conference Hall ah Empowered Committee for Investment chu an Chairman leh Chief Minister Lalduhoma hovin an thukhawm a, he thutkhawm ah hian Chaltlang Tourist Lodge chu tun aia changkang zawk, 4 Star emaw, a aia sang Star Hotel-a siam dan tur an rel a ni. India hmarchhakah hian Star Hotel 57 a awm mek a. Heng Star Hotel te hi Private enkawl vek niin, sawrkar hmunhma a nih pawhin Private Firm te enkawltir vek an ni a. Mizoram-ah chuan Star Hotel hi a la awm ve lo thung a ni. Mizoram in Sustainable Investment Policy tha tak a lo neih tak avangin nikum aatnga hmalakna lo kalpui tan tawh Chaltlang Tourist Lodge Star Hotel atana thuamthat chungchang hi bawhzui a ni leh ta a ni.