Kawngpui danchah rel

Zonuna Kawlni (LENKAWL) • August 20, 2024 • Comments • Mizoram

Kolasib District chhunga National Highway te lirthei zawh hleihtheih loh khawpa a chhiat avanga an lungawilohna lantir nan lirthei a eizawngtu pawl hrang hrang te chuan tunkar Ningani atangin tiamchin awm lovin kawngpui danchah an rel a. Lirthei-a eizawngtu pawl hrang hrang panga (5)-a hruaitute hian nimin khan Kolasib Press Club-ah thuthar thehdarhtute kawmin tunkar Ningani chawhma dar 10:00 atangin tiamchin awm lova kawngpui dan chah an tum thu hi an sawi a. NHIDCL leh an hnuaia Contractor te chu August thla ralhma ngeia Kolasib District chhuahsan tur leh an aiawh hnathawk thei tur Contractor dah thuai turin Mizoram sawrkar an ngen tih an sawi bawk.