Pipe Band Academy leh Self defence training hawng

Zonuna Kawlni (LENKAWL) • August 20, 2024 • Comments • Mizoram

Saitual District-a hmasa ber turin nimin khan Govt. Saitual High School-ah Pipe Band Academy leh Rani Lakshmi Bai Atma Raksha Prashikshan (Self Defence for Girls programme) hawn a ni.

Pipe Band Academy leh Self Defence for Girls programme te hi Saitual DC Dr. Lalngura Tlau chuan hawngin kum 2022 khan Mizoram Taekwondo Association of Mizoram (MATA) te leh SPD chuan inremsiamna neiin, Rani Lakshmi Bai Atma Raksha Prashikshan (Self defence training for girls) Saitual District-ah pawh bul an lo tan ve tawh a. Zirlai hmeichhia UPS (Middle School) atanga Higher Secondary School zirlai zawng zawngte tan he programme hi duan a ni.

Pipe Band Academy hi PAB 2023-2024 in a pawmsak tawh angin kumin hian District sawm (10)-ah din tur a ni a, District Office atangin Pipe Band Academy awmna tur school hi thlang tura tih niin District Project Office, Samagra Shiksha Saitual District-te chuan Govt. Saitual High School chu an thlang ta a ni.