Serchhip-ah Fitness Parade

Mizoram Police-te hriselna leh Physical Fitness intuaitharna bultanna atana 'Train to Excel' tih thupui hmanga Fitness parade, '45 Minutes for All Ranks of Mizoram Police' tia vuah chu nimin khan Serchhip District-ah pawh neih a ni.

Serchhip Police te chuan nimin zing khan Serchhip SP Office Tual-ah Fitness Parade hi neiin he hunah hian Serchhip Addl. SP Saidingliana Sailo chuan Police te tan taksa hrisel leh chak tha neih a pawimawh thu a sawi a, hei bakah hian natna inkaichhawn theih loh (Non-Communicable Disease) chi hrang hrang- Zunthlum, Thisen sang leh natna dang laka an him theihna tura taksa sawizawi a pawimawh thu te sawiin, hemi hnu hian a huho in Exercise an la chhunzawm nghal a ni. Serchhip District chhunga Police te awmna hmun hrang hrangah pawh hemi pual huan hun hmangin a huho in Police te hian Exercise an la bawk a ni.