ASF vangin Vawk thih belh

African Swine Fever (ASF) avanga kumin chhunga Serchhip District-a Vawk thi chu nimin thleng khan 1980 an tling ta.
Serchhip-a AH & Vety Department ten an chhinchhiah danin nimin khan Serchhip District-ah ASF vanga Vawk thi Khua leh Veng 13-ah 46 zet a awm leh a, Keitum khua ah Vawk 10 thiin Khawlailung-ah 8, Chiah-tlang, East Lungdar leh Serchhip  Chanmari-ah 5 theuh, Baktawng leh North Vanlaiphai-ah 3 ve ve thiin New Serchhip South-ah pahnih a thi bawk a, Piler, Leng, New Serchhip North, Ser-chhip Chhim Veng leh Dinthar Veng-ah pakhat theuh a thi leh bawk a ni.

Nimin vek khan Veng leh khua 13-ah vawk 102 zet suat leh a ni bawk a, heng zinga 36 chu Serchhip Chanmari Veng-a suat niin Chhuan-thar Tlangnuam leh Khawlailung-ah 12 ve ve suat a ni bawk. Heti hian nimin thleng khan Ser-chhip District-a Veng leh khua 30-ah kumin hian ASF vanga Vawk thi 1980 awm tawhin Vawk 5012 suat a ni tawh bawk a ni.